ရုပ်လွှာအပြင်အဆင်နဲ့ လုပ်နိုင်စွမ်း

၁၉၉၅ခုနှစ်ဆောင်းရာသီ… တကယ်လို့ ကျွန်မအလုပ်ရှာမရခဲ့ရင် စိတ်ပျက်လက်ပျက်နဲ့ ပြည်တော်ပြန်ဖို့က ကျွန်မအတွက် တစ်ခုတည်းသော ရွေးချယ်ရာလမ်းဖြစ်ခဲ့မှာပါ။

ကျွန်မ နောက်ထပ်တစ်ခါ ပယ်ချခံလိုက်ရပြန်ပါပြီ။ အင်တာဗျူးသူရဲ့ မျက်နှာအမူအရာကိုကြည့်ပြီး ကျွန်မအရမ်းပေါက်ကွဲချင်ခဲ့မိတယ်။ ကျွန်မရဲ့အပြင်အဆင်သွင်ပြင်က ကျွန်မရဲ့ပညာအရည်အချင်းနဲ့ မအပ်စပ်ဘူးဆိုပြီး ကျွန်မကို သူဆက်မမေးမြန်းခဲ့တော့ပါဘူး။ ကျွန်မရဲ့အပြင်အဆင်ကို ကျွန်မခေါင်းငုံ့ပြီးကြည့်လိုက်ပါတယ်။ ကျွန်မရဲ့ဝတ်စားဆင်ယင်မှုကြောင့်ဖြစ်တယ်ဆိုတာ သိသာသွားပါတယ်။ ကျွန်မကို သူအထင်သေးသွားပါတယ်။ ကျွန်မရဲ့လုပ်နိုင်စွမ်းနဲ့ သူ့ရဲ့အထင်သေးမှုကို ချေဖျက်နိုင်တယ်လို့ ကျွန်မအာမခံရဲပါတယ်။ ဒါပေမယ့် ကျွန်မရဲ့လုပ်နိုင်စွမ်းကိုပြသဖို့ ကျွန်မအခွင့်အရေးမရခဲ့ပါဘူး။


ကျွန်မရဲ့အိမ်ရှင်Selenaက စည်းကမ်းကြီးပြီး ကြမ်းတမ်းခက်ထန်တဲ့ လူလတ်ပိုင်းအရွယ်အမျိုးသမီးတစ်ဦးပါ။ ည ၁၂နာရီမတိုင်ခင် ကျွန်မအိပ်ရာဝင်ရမယ်လို့ သူသတ်မှတ်ထားပါတယ်။ ၁ဝမိနစ်အတွင်း ရေချိုးပြီးရမယ်၊ အဝတ်အစားသပ်သပ်ရပ်ရပ် ဝတ်မထားရင် သူ့ဧည့်ခန်းထဲမဝင်ရ၊ သူ့ရဲ့လှပတဲ့မီးဖိုဆောင်မှာ ကျွန်မရဲ့တရုတ်ဟင်းလျာမချက်ရ၊ သူ့ဧည့်သည်တွေ အိမ်ကိုအလည်လာရင် ကျွန်မနှုတ်ခမ်းနီဆိုးထားရမယ်ဆိုတဲ့အထိ သူသတ်မှတ်ထားပါတယ်။

Selenaလို စည်းကမ်းကြီးတဲ့ အင်္ဂလိပ်အမျိုးသမီးကို ကျွန်မအရမ်းမုန်းမိပါတယ်။ ဒါပေမယ့် အိမ်ငှားတွေထဲမှာ Selenaဟာ အကောင်းဆုံးအိမ်ရှင်ဖြစ်တယ်လို့ လူတိုင်းကပြောကြပါတယ်။

သူဘယ်နေရာမှာကောင်းမှန်း ကျွန်မ,မမြင်မိပါဘူး။ ပြောပြရရင် ကျွန်မအင်တာဗျူးကျပြီးပြန်လာတိုင်း မီးဖိုထဲမှာ စားစရာတစ်ခုမှ ကျန်မနေတတ်ခဲ့ပါဘူး။ တကယ်လို့ အပေါ်ထပ်တက်ချိန် အသံထွက်ရင် သူဟာ အိပ်ခန်းတံခါးဝမှာရပ်ပြီး အသံကျယ်ကြီးနဲ့ ကျွန်မကိုအပြစ်ဆိုတတ်ခဲ့ပါတယ်။

ကျွန်မခေါင်းလျှော်ပြီးတာနဲ့ ကုတင်ပေါ်မှာထိုင်ပြီး တစ်ဖက်ကသတင်းစာကြည့်ရင်း တစ်ဖက်က အပြင်ကဝယ်ပြန်လာတဲ့ပေါင်မုန့်ကို စားနေခဲ့ပါတယ်။ ဒါဟာ Selenaရဲ့စည်းကမ်းကို ချိုးဖောက်တာပဲဖြစ်ပါတယ်။ အိမ်ပေါ်ကို သူတဟုန်ထိုးပြေးတက်လာပြီး ကျွန်မရဲ့သတင်းစာနဲ့ ပေါင်မုန့်ကို လုယူသွားပါတယ်။ ပြီးတော့ “မင်းဟာ အဆင့်အတန်းမဲ့လိုက်တဲ့ တရုတ်မပဲ.. ငါ့အိမ်ကနေ ထွက်သွားစမ်း”လို့ အင်္ဂလိပ်လိုအော်ပါတော့တယ်။

ဆံပင်ဖားလျားနဲ့ ညဝတ်အင်္ကျီပေါ်အနွေးထည်ထပ်ဝတ်ပြီး နေအိမ်ကနေ ကျွန်မပြေးထွက်လာခဲ့ပါတယ်။

ကျွန်မဟာ ကောင်းမွန်တဲ့အောင်မှတ်၊ လှပတဲ့လုပ်နိုင်စွမ်းနဲ့ ၂၅နှစ်လုံးလုံး အောင်လံတလူလူလွင့်ခဲ့ပါတယ်။ ဘယ်သူကမှ ကျွန်မကို အဆင့်အတန်းမဲ့တယ်လို့ မပြောခဲ့ဖူးပါဘူး။

ကျွန်မတို့ မဆင်းရဲပါဘူး.. ဒါပေမယ့် လုပ်နိုင်စွမ်း၊ အရည်အချင်းကမှ အရေးအကြီးဆုံးလို့ မေမေက ကျွန်မကို ၂၅နှစ်လုံးလုံးပြောခဲ့ပါတယ်။ ရုပ်ရည်နဲ့လူရွေးချယ်တာဟာ ဒီနိုင်ငံမှာ တရားမျှတတဲ့စကားလုံးဖြစ်ခဲ့တာကို ကျွန်မနားမလည်ဖြစ်ခဲ့ရတယ်။ ဒါဟာ ကျွန်မရဲ့၂၅နှစ်တာလူ့ဘဝကို
စော်ကားလိုက်တာပဲဖြစ်တယ်။

ကျွန်မစိတ်တိုတိုနဲ့ ကော်ဖီဆိုင်တစ်ဆိုင်ထဲ ပြေးဝင်လိုက်ပါတယ်။ ရာသီဥတုကလည်း အေးလွန်းပြီး ကျွန်မလည်း အရမ်းဆာနေခဲ့ပါတယ်။

ကော်ဖီဆိုင်မှာ လူကျနေပါတယ်။ ဝန်ထမ်းတစ်ဦးက ကျွန်မကို ထူးဆန်းတဲ့အကြည့်နဲ့ကြည့်ပြီး နေရာလွတ်တစ်ခုဆီ လမ်းပြပါတယ်။ ဒါဟာ ဆိုင်ထဲမှာ တစ်ခုတည်းသော နေရာလွတ်ပါ။ ကျွန်မရဲ့မျက်နှာချင်းဆိုင်မှာ အင်္ဂလိပ်မကြီးတစ်ဦးထိုင်နေပါတယ်။ သူ့ကိုကြည့်ရတာ Selenaထက်ပိုပြီး ဇီဇာကြောင်မယ့်ပုံပါပဲ။ သူဟာ အယ်လီဇဘက်ဘုရင်မလို မြင့်မြတ်ခန့်ညားစွာနဲ့ ထိုင်နေခဲ့ပါတယ်။ ညဝတ်အင်္ကျီဖားဖားအောက်က အားကစားဖိနပ်ကို ကျွန်မအမှတ်တမဲ့ ရုတ်လိုက်မိပါတယ်။ ပြီးတော့ သူ့စကပ်အောက်က အသားကပ်ခြေအိတ်နဲ့ လှပတဲ့ဒေါက်ဖိနပ်ကို ကျွန်မကြည့်လိုက်မိပါတယ်။ ဒီလိုအသက်အရွယ်နဲ့တောင် သူဟာ ဒီလိုဖိနပ်မျိုးကို လှလှပပစွဲဆောင်မှုရှိအောင် ဝတ်ထားနိုင်ပါသေးတယ်။

ဥရောပတိုင်းပြည်က အဆင့်မြင့်စားသောက်ဆိုင်တော်တော်များများဟာ အဝတ်အစား မသပ်ရပ်ရင် ဆိုင်ထဲပေးမဝင်ပါဘူး။ ဒီဆိုင်ထဲ ကျွန်မဝင်လာနိုင်တာဟာလည်း တန်ဖိုးမနည်းတဲ့အနွေးထည်ကို ကျွန်မဝတ်ထားလို့ပဲဖြစ်မယ်လို့ ကျွန်မထင်ပါတယ်။
ဒေါသကိုခဏတာကျွန်မရုတ်သိမ်းပြီး “ကော်ဖီတစ်ခွက်ပေးပါ.. ကျေးဇူးတင်ပါတယ်”လို့
ပြောလိုက်ပါတယ်။

ဆိုင်ဝန်ထမ်း ထွက်သွားပါတယ်။ မျက်နှာချင်းဆိုင်ကအမျိုးသမီး ကျွန်မကိုကြည့်မနေပါဘူး။ ဒါပေမယ့် သူကစာရွက်တစ်ရွက်နဲ့ စာတစ်ကြောင်းရေးပြီး ကျွန်မကိုကမ်းပေးပါတယ်။ စာရွက်ပေါ်မှာ အင်မတန်လှတဲ့အင်္ဂလိပ်စာလုံးလက်ရေးနဲ့ ဒီလိုရေးထားပါတယ်။

“မင်းရဲ့ဘယ်ဖက်နောက်ကျောထောင့်ကွေ့မှာ သန့်စင်ခန်းရှိတယ်”

သူ့ကို ကျွန်မခေါင်းမော့ကြည့်လိုက်တယ်။ သူက ကြောရှင်းသိမ်မွေ့တဲ့ဟန်ပန်နဲ့ ကော်ဖီသောက်နေခဲ့ပါတယ်။ ကျွန်မဖက်ကို တစ်ချက်တောင်လှည့်မကြည့်ပါဘူး။ အနေကျပ်မှုကို ဘယ်လိုစကားလုံးနဲ့ ကျွန်မဖော်ပြရမှန်းမသိခဲ့ပါဘူး။ လေးစားမှုမခံရတာဟာဖြစ်သင့်ပါတယ်လေလို့ ပထမဆုံးအကြိမ် ကျွန်မခံစားလိုက်မိပါတယ်။

လေတိုက်ခံထားရတဲ့ ကျွန်မရဲ့ဆံပင်တွေ ရှုပ်ပွနေပါတယ်။ ကျွန်မရဲ့နှာခေါင်းဘေးမှာလည်း ပေါင်မုန့်အကြွင်းအကျန်တချို့ ကပ်နေပါသေးတယ်။ ကျွန်မရဲ့အနွေးထည်က တန်ဖိုးမနည်းဘူးဆိုပေမယ့် ကျွန်မရဲ့ညဝတ်အင်္ကျီက ဟောင်းအိုနေခဲ့ပါပြီ။ ကျွန်မကိုယ်ကျွန်မ ပထမဆုံးအကြိမ် ကြည့်မရဖြစ်ခဲ့ပါတယ်။ ဒီလိုအပြင်အဆင်က ကျွန်မကိုယ်ကျွန်မ ဘယ်လောက်မလေးစားရာရောက်သလဲ၊ ပြီးတော့ တခြားလူကိုလည်း မလေးစားရာရောက်နေခဲ့ပါတယ်။ နေ့လယ်က အင်တာဗျူးသွားချိန် ကျွန်မရဲ့ဖြစ်သလိုပြင်ဆင်ခဲ့မှုကို ကျွန်မသတိရလာခဲ့မိပါတယ်။ ဒါဟာလည်း အဆင့်မြင့်ရာထူးမန်နေဂျာတစ်ဦးကို ကျွန်မ မလေးစားရာရောက်ခဲ့တာပဲ မဟုတ်လား။

ထိုင်ခုံနေရာဆီ ကျွန်မပြန်ရောက်ချိန် အဲဒီအမျိုးသမီးမရှိတော့ပါဘူး။
နူးညံ့ပျော့ပျောင်းတဲ့စားပွဲခင်းပေါ်က စာရွက်ပေါ်မှာ လှပတဲ့လက်ရေးနဲ့ အင်္ဂလိပ်စာကြောင်းတစ်ကြောင်း ထပ်ရေးထားတာကို တွေ့လိုက်ပါတယ်။

“မိန်းကလေးတစ်ဦးဖြစ်ပြီး မင်း ကြော့ရှင်းရည်မွန် ယဉ်ကျေးသိမ်မွေ့ရတယ်။ ဒါဟာ မိန်းမတို့ရဲ့ဂုဏ်သိက္ခာဖြစ်တယ်”

ကော်ဖီဆိုင်ထဲကနေ ကျွန်မအပြေးတစ်ပိုင်းထွက်လာခဲ့တယ်။ Selenaက ဧည့်ခန်းမှာထိုင်ပြီး ကျွန်မကိုစောင့်နေပါတယ်။ ကျွန်မကိုတွေ့တာနဲ့သူက ကျွန်မအချိန်ကျော်ပြီး ၁၂နာရီ ၁ဝမိနစ်မှ အိမ်ပြန်ခဲ့တဲ့အတွက် မနက်ဖြန်မှာ သူ့ကို ကျွန်မမြက်ရိတ်ကူရမယ်ဆိုတဲ့အကြောင်း ပြောပါတယ်။ သူ့အပြောကို ကျွန်မလက်ခံပြီး သူ့ကိုတောင်းပန်လိုက်ပါတယ်။

Selenaက ကျွန်မကို အသုံးဝင်တဲ့အရာတွေ အများကြီးသင်ပေးခဲ့တယ်ဆိုတာကို ကျွန်မသတိပြုလိုက်မိပါတယ်။

၁၂နာရီမထိုးခင် အိပ်ရာဝင်တာဟာ နောက်တစ်နေ့မှာ ကျွန်မကို အင်အားပြည့်ဖြိုးစေပါတယ်။

သေသပ်တဲ့ဝတ်စားဆင်ယင်မှုက ကျွန်မကို လူလေးစားမှုခံစေပါတယ်။

ဒေါက်ဖိနပ်စီး၊ နှုတ်ခမ်းနီဆိုးတာဟာ လူကြီးလူကောင်းဆန်သူတွေရဲ့ အကူအညီကို ရစေပါတယ်။

မိမိကိုယ်ကိုယ်ယုံကြည်စိတ်တွေပြည့်ဝလာတယ်လို့ ကျွန်မစခံစားမိပါတယ်။ ကျွန်မ အရည်အချင်းရှိမရှိ၊ လုပ်နိုင်စွမ်းရှိမရှိကို ကျွန်မရဲ့ကိုယ်ရေးမှတ်တမ်းကြည့်ပြီး ဆုံးဖြတ်တာမျိုးကို ကျွန်မထပ်မလိုလားခဲ့တော့ပါဘူး။

နောက်ဆုံးတစ်ကြိမ် ကျွန်မအင်တာဗျူးသွားခဲ့တာက နာမည်ကြီးတံဆိပ် အလှကုန်ဖြန့်ချီရေးကုမ္ပဏီတစ်ခုဖြစ်ပါတယ်။ ကျွန်မရဲ့ကြော့ရှင်းသပ်ရပ်တဲ့ ဝတ်စားဆင်ယင်မှုက ကျွန်မကိုအမှတ်တိုးစေခဲ့ပါတယ်။ အဲဒီကုမ္ပဏီက အရာရှိအမျိုးသမီးက ကျွန်မကို “မင်း အရမ်းထူးချွန်ထက်မြက်တယ်… ငါတို့ကုမ္ပဏီက မင်းကိုကြိုဆိုပါတယ်”လို့ ပြောခဲ့ပါတယ်။

အဲဒီအမျိုးသမီးက ကျွန်မကော်ဖီဆိုင်မှာတွေ့ခဲ့တဲ့ အမျိုးသမီးဖြစ်မယ်မှန်း ကျွန်မလုံးဝတွေးထင်မထားခဲ့မိပါဘူး။ သူက အလှကုန်ဖြန့်ချီရေးမှာ ဘုရင်တစ်ဆူအဖြစ် နာမည်ကြီးသူဖြစ်ပါတယ်။

“ကျွန်မ အရမ်းကျေးဇူးတင်ပါတယ်… မိန်းကလေးတစ်ဦးဖြစ်ပြီး ကြော့ရှင်းရည်မွန် ယဉ်ကျေးသိမ်မွေ့ရတယ်ဆိုတဲ့ စကားတစ်ခွန်းအတွက် ကျွန်မအရမ်းကျေးဇူးတင်ပါတယ်” ကျွန်မကို သူမှတ်မိပုံမရခဲ့ပေမယ့် သူ့ကို ကျေးဇူးတင်ကြောင်း ကျွန်မပြောခဲ့ပါတယ်။

ဟုတ်ပါတယ်.. သင်ကိုယ်တိုင်တောင်မလေးစားချင်တဲ့ အပြင်အဆင်နဲ့ သင့်ရဲ့အတွင်းစိတ်ထူးချွန်ထက်မြက်မှုကို မြင်ဖို့ရာ ဘယ်သူ့ကမှ တာဝန်ယူမှာမဟုတ်ပါဘူး။ သင်ကိုယ်တိုင်ပဲ တာဝန်ယူရပါတယ်။

“မိန်းကလေးတစ်ဦးဖြစ်ပြီး ကြော့ရှင်းရည်မွန် ယဉ်ကျေးသိမ်မွေ့ရတယ်။ ဒါဟာ မိန်းမတို့ရဲ့ဂုဏ်သိက္ခာဖြစ်တယ်” ဆိုတဲ့စကားကို နောက်ပိုင်းမှာ ကျွန်မအမြဲအမှတ်ရနေခဲ့ပါတော့တယ်။

မူရင်းရေးသားသူ -- Yang Lan

နိုင်းနိုင်းစနေ