ကျွန်တော်နဲ့ တာဝန်ရှိမှု၊ တာဝန်သိမှု၊ တာဝန်ယူမှု၊ တာဝန်ခံမှု၊ တာဝန်ကျေမှု

ပါမောက္ခဒေါက်တာအောင်ထွန်းသက်

လူ့အဖွဲ့စည်းတစ်ခုမှာ သက်ဝင်လှုပ်ရှားသူတွေကို အခြေခံအားဖြင့်နှစ်မျိုးနှစ်စား ခွဲခြားထားပါတယ်။ အခုလိုခွဲခြားရာမှာ လူ့အခွင့်အရေးရှုထောင့်မှ သုံးသပ်ခြင်းဖြစ်ပါတယ်။ တစ်ဖက်ကတာဝန်ထမ်းတဲ့သူတွေ ဖြစ်ပါတယ်။ တစ်နည်းအားဖြင့် Duty-Bearers လို့ ခေါ်ဝေါ်သတ်မှတ်ပါတယ်။ အခြားတစ်ဖက်ကတော့ အခွင့်အရေးခံစားခွင့်ရှိတဲ့သူတွေဖြစ်ပါတယ်။ Rights-Holders များလို့ သတ်မှတ်ကြပါတယ်။

လူ့အခွင့်ရေးရှုထောင့်မှ သုံးသပ်တဲ့နေရာမှာ နိုင်ငံတော်က Duty-Bearer ဖြစ်ပြီး နိုင်ငံသားတွေကတော့ Rights-Holders တွေဖြစ်ပါတယ်။ ဒီလိုပြောတဲ့နေရာမှာလည်း အပြည်ပြည်ဆိုင်ရာ လူ့အခွင့်အရေး နားလည်မှုတွေအရ သတ်မှတ်ခြင်းသာဖြစ်ပါတယ်။ ဒီအကြောင်းအရာနဲ့ပတ်သက်လို့ လက်ရှိ အခြေအနေမှာ နိုင်ငံတစ်ဝန်းမှာ ဆွေးနွေးနေကြတဲ့ လက်တွေ့ကျသော ပညာရေးပြုပြင်ပြောင်းလဲမှုတွေနဲ့ပတ်သက်ပြီး ဆွေးနွေးတင်ပြလိုပါတယ်။
ကလေးသူငယ်တစ်ဦးရဲ့ ပညာရေးနဲ့ပတ်သက်ပြီး စဉ်းစားရင်အခွင့် အရေးခံစားထိုက်တဲ့သူ (Rights-Holders) ကကလေးပဲဖြစ်ပါတယ်။ ကလေးသူငယ်တစ်ဦးအတွက် ပညာရေးအခွင့်ရေးဟာ မွေးရာပါ အခွင့်အရေးတစ်ရပ်ဖြစ်ပါတယ်။ ကလေးပညာရေးနဲ့ ပတ်သက်လာရင် တာဝန်ထမ်းဆောင်ရမယ့်သူတွေကတော့ နိုင်ငံတော်အစိုးရဖြစ်သလို မိဘတွေမှာလည်း တာဝန်ရှိပါတယ်။ အနီးစပ်ဆုံးကျေးရွာ၊ ရပ်ကွက်ပတ်ဝန်းကျင်မှာလည်း တာဝန်ရှိပါတယ်။ ဒါပေမယ့် အပြည်ပြည်ဆိုင်ရာလူ့အခွင့်အရေး ဥပဒေမှာတာဝန်အရှိဆုံးက နိုင်ငံတော် အစိုးရလို့ သတ်မှတ်ထားပါတယ်။

နိုင်ငံတော်သမ္မတကြီး မကြာမီကာလက ဖော်ထုတ်ခဲ့တဲThird Wave လို့ခေါ်တဲ့ ပြုပြင်ပြောင်းလဲမှု အရှိန်အဟုန်မြှင့်တင်မှုဟာ အမှန်တကယ်တော့ နိုင်ငံတော်အစိုးရဟာ Duty-Bearer တာဝန်ထမ်းဆောင်ရမယ့်သူဖြစ်တာကို အသိအမှတ်ပြု လက်ခံခြင်းသာဖြစ်ပါတယ်။

နိုင်ငံတော်အစိုးရဟာ တာဝန်ထမ်းဆောင်ရမယ့်သူအဖြစ် အသိအမှတ်ပြု တဲ့နေရာမှာ နိုင်ငံတော်သမ္မတကြီးကအစ အောက်ဆုံးဝန်ထမ်းအဆင့်အထိ အားလုံးပါဝင်နေမှာဖြစ်ပါတယ်။ ဒါကြောင့်လည်း သမ္မတကြီးကိုယ်တိုင်Third Wave ကို ထိထိရောက်ရောက် အကောင်ထည်ဖော်ဖို့ တိုက်တွန်းခဲ့တာဖြစ်ပါတယ်။ တာဝန်ထမ်းနေကြရသူတွေ (Duty-Bearer) ဟာ ပဏာမအနေနဲ့ တာဝန်ရှိပါတယ်။ တာဝန်ရှိမှုကို လေးလေးနက်နက်ရှိဖို့ လိုအပ်ပါတယ်။ ပြည်သူ့ဝန်ထမ်းအားလုံးက အလုပ်တာဝန် ဝတ္တရားများ ထမ်းဆောင်ချိန်မှစ၍ တာဝန်ရှိမှုကို အလိုအလျောက်အကျုံးဝင်မှုရှိတာကို လက်ခံရမှာဖြစ်ပါတယ်။

ဒုတိယအဆင့်အနေနဲ့က တာဝန်ရှိတဲ့ပြည်သူ့ဝန်ထမ်းများဟာ တာဝန်သိရမှာဖြစ်ပါတယ်။ တာဝန်သိမှုနဲ့ ပတ်သက်လာရင် အစိုးရဌာနများမှာ လက်ရှိအနေအထားမှာ လိုအပ်ချက်တစ်ရပ်ရှိပါတယ်။ ပုဂ္ဂလိကလုပ်ငန်း တိုင်းမှာတော့ရှိပါတယ်။ ဒါကတော့ HR ဌာနဖြစ်ပါတယ်။ HR ကတော့ Human Resources လူသားအရင်းအနှီးကို ဆိုလိုပါတယ်။ ပုံမှန်တော့အစိုးရဌာနတွေမှာ ဝန်ထမ်းရေးရာဌာနရှိကြပါတယ်။ ဒီဌာနက အုပ်ချုပ်မှု ဌာနရဲ့ အစိတ်အပိုင်းတစ်ခုအဖြစ် ဖွဲ့စည်းထားကြလေ့ရှိပါတယ်။
HR ဌာနရဲ့ အဓိကတာဝန်က လုပ်ငန်းအဖွဲ့အစည်းတစ်ခုရဲ့ ဦးတည်ချက်တွေ အောင်မြင်မှုရဖို့လိုအပ်တဲ့ဝန်ထမ်းများရှာဖွေခြင်း၊ ပြုစုပျိုးထောင်ရေးနဲ့ ထိန်းသိမ်းခြင်းလုပ်ငန်းများကို ဆောင်ရွက်ဖို့တာဝန်ရှိပါတယ်။ ဒီလိုဆောင်ရွက်ရာမှာ အခြေခံတစ်ခုကတော့ ဝန်ထမ်းတစ်ဦးစီရဲ့ တာဝန်ဝတ္တရားများကို တိတိကျကျဖော်ထုတ်ခြင်းဖြစ်ပါတယ်။ ပုဂ္ဂလိကလုပ်ငန်းများမှာ ရာထူးတစ်ခုစီအတွက် Job Description လို့ခေါ်တဲ့ လုပ်ငန်းတာဝန်ဝတ္တရားများကို ပြည့်စုံစွာဖော်ထုတ်ရပါတယ်။ အခုလိုဖော်ထုတ်ပါမှ မိမိရဲ့တာဝန်ကို တိတိကျကျသိနိုင်မှာသာဖြစ်ပါတယ်။ တာဝန်ရှိပေမယ့် တာဝန်မသိရင် အခက်ခဲရှိပါတယ်။ ဒါကြောင့်တာဝန်ရှိသူတိုင်းဟာ မိမိထမ်းဆောင်ရမယ့် တာဝန်ဝတ္တရားများကို ဂဃနဏသိရှိရမှာဖြစ်ပါတယ်။ တာဝန်ရှိခြင်းနဲ့ တာဝန်သိခြင်းက အခြေခံနှစ်ရပ်ဖြစ်ပါတယ်။

တာဝန်ရှိပြီး တာဝန်သိသူဟာ တာဝန်ယူဖို့လည်း လိုအပ်ပါတယ်။ တာဝန်ယူမှုဟာ အလွန်အရေးပါလှပါတယ်။ တာဝန်ယူမှုအားနည်းပါက ကိုယ့်ကိစ္စ သူ့ကိစ္စလို့ သဘောထားခြင်းမဟုတ်ဘဲ မိမိဌာနအတွက် လိုအပ်သမျှအားလုံးကို တာဝန်ယူဖို့လိုအပ်ပါတယ်။ တာဝန်ယူတဲ့သူဟာ တခြားလူကိုလက်ညှိုးထိုး ပြစ်တင်ဝေဖန်တာမဟုတ်ဘဲ ရဲရဲဝံ့ဝံ့တာဝန်ယူတာဖြစ်ပါတယ်။

နောက်တစ်ဆင့်ကတော့ တာဝန်ခံမှုပဲဖြစ်ပါတယ်။ ဌာနဆိုင်ရာ အကြီးအကဲတာဝန်ရှိသူဟာ မိမိဌာနအတွင်းမှာ ရှိတာတွေအားလုံးကို တာဝန်ခံရမှာ ဖြစ်ပါတယ်။ မိမိလက်အောက်ဝန်ထမ်းများကို တာဝန်ပေးခွင့်ရှိပေမယ့် သူတို့ရဲ့ဆောင်ရွက်မှုတွေကို လူကြီးလုပ်သူက တာဝန်ခံရမှာဖြစ်ပါတယ်။ အောက်ကိုလွှဲချလို့မဖြစ်ပါဘူး။ တလောက ကိုရီးယားနိုင်ငံမှာ ကျောင်းသား(၂ဝဝ)ကျော် သင်္ဘောနစ်ပြီးဆုံးပါးခဲ့ပါတယ်။ ဒီအဖြစ်အပျက်မှာ ကျောင်းအုပ်ကြီးလုပ်သူက သူ့မှာတာဝန်ရှိတယ်လို့ ခံယူပြီး ကြိုးဆွဲချခဲ့ပါတယ်။ အပြင်းထန်ဆုံးတာဝန်ခံမှုသာ ဖြစ်ပါတယ်။ ဝန်ကြီးချုပ်လုပ်သူကလည်း နုတ်ထွက်ခဲ့သလို သမ္မတကြီးက ရုပ်မြင်သံကြားကတစ်ဆင့် တိုင်းပြည်ကိုဝန်ချတောင်းပန်ခဲ့ပါတယ်။
တာဝန်ခံမှုနဲ့ပတ်သက်လာရင် နိုင်ငံတစ်နိုင်ငံရဲ့ ယဉ်ကျေးမှုနဲ့သက်ဆိုင်မှုရှိကြောင်း သုံးသပ်ကြပါတယ်။ ဒီကိစ္စနဲ့ပတ်သက်လာရင် ဂျပန်လူမျိုးများရဲ့ ခံယူမှုဟာအံ့သြစရာဖြစ်ပါတယ်။ ဆာမူရိုင်း သူရဲကောင်းတွေဟာ ဓားရှည်နှစ်လက်ကို အမြဲကိုင်စွဲထားပေမယ့် ခါးကြားမှာ ဓားမြှောင်တစ်လက်ကို အမြဲထိုးထားပါတယ်။ အကယ်၍စစ်ရှုံးရင် သူရဲကောင်းဟာ ဒီဓားမြှောင်ထုတ်ပြီး ဧကရာဇ်မင်းမြတ်အပေါ် တာဝန်မကျေတဲ့အတွက် မိမိရဲ့ဝမ်းဗိုက်ကိုခွဲပြီး ဟာရာကိရိလုပ်တာတွေ့ရပါတယ်။

ဒုတိယကမ္ဘာစစ်ပြီးချိန်မှာ စစ်ရှုံးသွားပေမယ့် တချို့သောဂျပန်စစ်သည်တွေဟာ လက်နက်မချဘဲတောခိုခဲ့ပါတယ်။ နှစ်ပေါင်းများစွာတောထဲမှာပဲ နေခဲ့ပါတယ်။ အခုလိုဆောင်ရွက်တာဟာ ဘုရင်မင်းမြတ်ကြီးရဲ့ လက်နက်ချ တဲ့မိန့်ခွန်းကို မကြားခဲ့တာမို့ မသေမချင်းတာဝန်ခံသွားတဲ့ သဘောဖြစ်ပါတယ်။
နောက်ဆုံးအဆင့်က တာဝန်ကျေပွန်မှုပဲဖြစ်ပါတယ်။ အခုလိုတာဝန်ရှိမှု၊ တာဝန်သိမှု၊ တာဝန်ယူမှု၊ တာဝန်ခံမှုများဆောင်ရွက်ပြီးချိန်တွင် တာဝန်ကျေမှုကို ဦးစားပေးရမှာသာဖြစ်ပါတယ်။ တာဝန်ကျေပွန်မှုလို့ ပြောရာမှာ ကြိုတင်သတ်မှတ်ခဲ့သောရလဒ်များကို ပြည့်မီခြင်းဖြစ်ပါတယ်။ သတ်မှတ်ထားသောရလဒ်များကို ရဖို့ဟာတာဝန်ကျေပွန်မှုဖြစ်ပါတယ်။ တာဝန်ရှိမှု၊ တာဝန်သိမှု၊ တာဝန်ယူမှု၊ တာဝန်ခံမှုနဲ့ တာဝန်ကျေမှုတို့ဟာ ရလဒ်ကိုအခြေခံတဲ့ စီမံခန့်ခွဲမှု (Results Based Management) ရဲ့ အနှစ်သာရဖြစ်ပါတယ်။ ကျွန်တော်တို့နိုင်ငံမှာ ရလဒ်ကိုအခြေခံစီမံခန့်ခွဲမှုကို တွင်တွင်ကျယ်ကျယ်ကျင့်သုံးဖို့လိုအပ်မှာဖြစ်ပါတယ်။

ရလဒ်လို့ပြောရာမှာ ရည်မှန်းချက်များ (goals) ကို ကြိုတင်သတ်မှတ်ဖို့ လိုအပ်ပါတယ်၊ ဦးစားပေးပြီးအာရုံပြုရမှာက ရလဒ်ရရှိဖို့ ဖြစ်တယ်။ Results Based Management(RBM) ကို အလွယ်တကူနားလည်နိုင်ဖို့ ''ရေပါတာပဲ အရေးကြီးတယ်၊ ရေဘူးကိစ္စက အရေးမကြီးဘူး''ဆိုတဲ့ ဆောင်ပုဒ်ကို သတိပြုရမှာဖြစ်ပါတယ်။ RBM ရဲ့ ဆန့်ကျင်ဘက်ကတော့ အလုပ်ကို အခြေခံတဲ့လှုပ်ရှားမှုကို အသားပေးတဲ့ Activity-Based Mana- gement (ABM) ဖြစ်ပါတယ်။ အဓိပ္ပာယ်ကတော့ အလုပ်များမှုကို ဦးစားပေးခြင်းဖြစ်ပါတယ်။ ရလဒ်ရခြင်း၊ မရခြင်း မစဉ်းစားဘဲ လှုပ်ရှားမှုကိုသာ ဇောင်းပေးနေခြင်းဖြစ်ပါတယ်။
ကျွန်တော်မကြာခဏပြောခဲ့ပါတယ်။ အခွင့်ရတိုင်းလည်း ရေးခဲ့ပါတယ်။ အလုပ်တစ်ခုလုပ်တဲ့အခါ လုပ်နေတဲ့အလုပ်ကို အာရုံပြုမယ့်အစား ဒီအလုပ်လုပ်ရင်ရလာမယ့် ရလဒ်ကိုသာ သတိပြုသင့်ပါတယ်။ ရလဒ်အပေါ်အာရုံမရှိရင် ငယ်ငယ်တုန်းကကြားခဲ့သလို ''ပိုးသာကုန် မောင်ပုံ စောင်းမတတ်'' ဆိုတဲ့သဘောဖြစ်နေပါတယ်။ အလုပ်ထဲမှာနစ်မွန်းနေတာမို့ လုပ်နေတာကိုပဲ အာရုံပြုပြီးဘာကြောင့်လုပ်ရတယ်ဆိုတာကိုလည်း မေ့တတ်ပါတယ်။ ဒါကြောင့်လည်း ကျွန်တော်တို့ရဲ့ အခြေခံစဉ်းစားချက်တွေကို ပြောင်းဖို့ လိုအပ်ပါတယ်။ Working Hard အလုပ်ကြိုးစား လုပ်မယ့်အစား Working Smart ရလဒ်ရအောင် ကြိုးစားဆောင်ရွက်ဖို့သာ အရေးကြီးလှပါတယ်။
Third Wave အနှစ်သာရဟာ နိုင်ငံ့ဝန်ထမ်းတွေရဲ့ အတွေးအခေါ်အယူအဆတွေ ပြောင်းလဲဖို့ဖြစ်ပါတယ်။

အတွေးအခေါ်ပြောင်းဖို့ဟာ အပြောလွယ်သလောက် ခက်ခဲတဲ့ကိစ္စတစ်ခုဖြစ်ပါတယ်။ ပြည်သူ့ဝန်ထမ်းများအနေနဲ့ မိမိဟာပြည်သူတွေအားလုံးကို အလုပ်အကျွေးပြုရမယ့် သူတွေ၊ ပြည်သူ့ဆန္ဒ ပြည်သူ့လိုအပ်ချက်တွေကို ဖြည့်ပေးရမယ့်သူတွေဖြစ်တာကိုသဘောပေါက်ရမှာဖြစ်ပါတယ်။ ပြည်သူရဲ့ဝန်တွေကို ပေါ့ပေါ့ပါးပါး ဖြစ်လာအောင် ထမ်းဆောင်ပေးသူများဖြစ်အောင် ကြိုးစားရမှာသာဖြစ်ပါတယ်။

ဒါကြောင့်လည်း ကျွန်တော်ကအခွင့်ရေးရတိုင်း Servant Leadership လို့ခေါ်တဲ့ အစေခံနဲ့တူတဲ့ ခေါင်းဆောင်မှုပေးနိုင်အောင်အား ထုတ်ရမှာဖြစ်တယ် လို့ ပြောခဲ့တာ ဖြစ်ပါတယ်။ အင်မတန်မှ ကျေနပ်စရာကောင်းတဲ့ အယူအဆတစ်ခု ဖြစ်ပါတယ်။ ပြည်သူ့ဝန်ထမ်းတွေအနေနဲ့ အလွန်ဂုဏ်ယူဖွယ်ရာကိစ္စတစ်ရပ်သာဖြစ်ပါတယ်။

Myanmaalinn