ဆိုကရေးတီး ကို လွမ်းတယ်

ဆိုကရေးတီး ဆိုလို့ ကျနော်တို့တိုင်းပြည်မှာခေတ်စားခဲ့တဲ့ ကြေးကြိုးသားရေလေလက်ခုပ်၊နဲ့ အဆိုအက တွေဂီတအဖွဲ့အနွဲ့ပြ်ိုင်ပွဲတွေကိုလွမ်းတယ်ပြောတာမဟုတ်ပါဘူး၊ ဒီမိုကရေစီက ပေးတဲ့အဆိပ်ခွက်ကို မက်မက်စက်စက်သောက်ပြရင်းဒီမိုကရေစီကိုချစ်ပြသွားတဲ့နိုင်ငံတော်သားတယောက်အကြောင်းပါ၊ကျနော်တို့ဒသနိကဗေဒဒုတိယနှစ်မှာသင်ခဲ့ရပြီး အနောက်တိုင်းအတွေးအခေါ်သမိုင်း မှာ ထင်ရှားတဲ့အတွေးအခေါ်ပညာရှင်တယောက်အကြောင်းပါ
ခွဲခွာရန်အချိန်ကားရောက်လာချေပြီ
ကျွန်ုပ်တို့သည် ကိုယ့်လမ်းကိုယ်သွားကြသည်
ကျွန်ုပ်သည် သေခြင်းလမ်းမ ပေါ်မှသွားသည်
သင်တို့က ရှင်ခြင်းလမ်းမ ပေါ်မှသွားသည်
ဘယ်လမ်းကမြင့်မြတ်သည်ကို ဘုရားသခင်သာသိသည်------

အဲသည့်စကားကတော့အေသင်တရားရုံးမှာသေဒဏ်ချမှတ်ခံရပြီးထွက်လာလာခြင်းမှာ ဆိုကရေးတီးပြောခဲ့တဲ့ သမိုင်းတင်စကားပါ၊ လူသားတွေရဲ့ အတွေးအခေါ်လွတ်လပ်မှု အတွက်၊ဒီမိုကရေစီအတွက်၊နိုင်ငံသားတယောက်ရဲ့တာဝန်အတွက် သေလမ်းပေါ်လျှောက်ခဲ့တဲ့ ဆိုကရေးတီး ရဲ့အမည်နာမ အတွေးအခေါ်တွေဟာ အခု နှစ်ပေါင်း၂၄၀၀ကျော်အထိ ခိုင်မာရှင်သန်ကိုးကားနေရပေမဲ့ ဆိုကရေးတီးကိုသေဒဏ်ပေးခဲ့တဲ့ ဒီမိုကရေစီအုပ်ချုပ်သူများကတော့ ရှင်သန်ခြင်းလမ်းပေါ်မှာလျှောက်ရင်းသေးငယ်တဲ့မြူမှုန်လေးတွေလိုပျောက်ကွယ်သွားခဲ့ပါပြီ၊ဒီမိုကရေစီအာဏာရှင်တွေ အကြောင်းနဲ့ အများညီတိုင်း အမှန်မဟုတ်ဘူးဆိုတာ သက်သေပြခြင်တဲ့ သမိုင်းကိုသင်ခန်းစာယူလိုသူတွေရှာဖွေကိုးကားမှသာ မထင်မရှားသူတို့အမည်တွေကြားရပါလိမ့်မယ်၊ဆိုကရေးတီးနဲ့နိုင်းယှဉ်လိုက်တိုင်းနေမင်းနဲ့ပိုးစုန်းကြူးလိုဘဲ သူတို့သိမ်ငယ်ခဲ့ရပါတယ်၊
ဆိုကရေးတီးကိုBC470မှာ ဂရိနိုင်ငံအေသင်မြို့မှာမွေးပါတယ်၊ဖခင်က ကျောက်ဆစ်ပန်းပုဆရာတယောက်ဖြစ်ပြီး မိခင်ကတော့ဝမ်းဆွဲဆရာမဖြစ်ပါတယ်၊ဆိုကရေးတီအရွယ်ရောက်လာတဲ့အခါမှာ ဖခင်ရဲ့လက်ငုတ်လက်ရင်းကျောက်ဆစ်သမားအလုပ်ကိုဘဲလုပ်ခဲ့ရပါတယ်၊ဒါပေမဲ့အမြဲတွေးနေတတ်ပါတယ်။ကျောက်ဆစ်အလုပ်ကိုစိတ်မ၀င်စားဘဲတွေးနေငေးနေတတ်လို့ခလေး (၃)ယောက်ရတာတောင်စီးပွားရေးကမပြေမလည် မိသားစုမငတ်ရုံလောက်ဘဲ ရှိပါတယ်၊ထုံးစံအတိုင်းစီးပွားရေးမပြေလည်တော့ မိန်းမလုပ်တဲ့သူက အမြဲမြည်တွန်တောက်တီးနေတော့ ဆိုကရေးတီးမှာအိမ်မှာနေရင်နားပူတယ်ဆိုပြီးအပြင်သာထွက်နေတော့တာပါဘဲ၊သူသွားတဲ့နေရာတွေကတော့လူစည်ကားတဲ့ဈေးဆိုင်၊နတ်ဘုရားကျောင်း၊စားသောက်ဆိုင်စတဲ့လူစုစု စကားဆွေးနွေးနေတဲ့နေရာတွေပါဘ၊ဲ
အဲသည်နေရာတွေကိုရောက်ရင်ဆိုကရေးတီးကမေးခွန်းတွေဝင်မေးပါတယ်၊လူတွေကဖြေပါတယ်၊သည်လိုမေးခွန်းတွေမေးလိုက် ဖြေလိုက်လုပ်ရင်းကဘဲ အကောင်းဆုံးအဖြေတခုကိုရအောင်လုပ်ပါတယ်၊တကယ်တော့ ကျနော်တို့အခုကျင့်သုံးနေတဲ့အမေးအဖြေပုံစံဟာဆိုကရေးတီကစတယ်လို့ အဆိုတောင်ပြုကြပါတယ် Question and Answer approach to teaching is known as Socrates Method .လို့တောင်ပြောကြပါတယ်၊ ဒါပေမဲ့သည်ဆွေးနွေးပွဲတွေမှာဆိုကရေးတီးဟာ အပေါ်စီးက၀င်ဆွေးနွေးတဲ့သဘောမဟုတ်ပါဘူး၊သူဘာမှာမသိတဲ့အနေအထားကနေဆွေးနွေးခဲ့တာပါ ၊သည်နေရာမှာသူ့ရဲ့ အကျော်ကြားဆုံး စကားရှိပါတယ်၊အဲဒါကတော့-ငါသိတာတခုဘဲရှိတယ်-အဲဒါငါဘာမှမသိဘူးဆိုတာဘဲ--- ဆိုတာပါဘဲ၊
ဆိုကရေးတီးဟာသူ့အတွေးအခေါ်အယူအဆတွေနဲ့ ပြည်သူလူထုကို အသိအမြင်တွေဖွင့်ပေးခဲ့ပါတယ်၊စိတ်ဓါတ်တွေကိုပြုပြင်ပေးခဲ့ပါတယ်၊အေသင်မှာဆိုကရေးတီးလောက်ဥာဏ်ပညာကြီးသူမရှိလို့ဟောကိန်းထုတ်ခဲ့တဲ့ ဒယ်လ်ဖီစ်နတ်ကွန်းက ဗျာဒိတ်စကား(Delphic Oracle)အတိုင်းပါဘဲ၊တတိုင်းပြည်လုံးကကြီးကျယ်ခန့်ညားတဲ့အသိပညာရှင်ကြီးအဖြစ်အသိအမှတ်ပြုကြပါတယ်၊
သည်လိုတွေးခေါ်ပညာရှင်တဦးဖြစ်ပေမဲ့ဆိုကရေးတီးဟာတိုင်းပြည်ကာကွယ်ရေးမှာလည်းခေါင်းမရှောင်ခဲ့ပါဘူး၊စစ်မှုဝင်ထမ်းခဲ့ပါတယ်၊BC431ကနေBC404အထိစစ်မှုထမ်းခဲ့ပါတယ်၊တိုက်ပွဲတွေမှာလည်းရဲစွမ်းသတ္တိပြခဲ့ပါတယ်၊Amphipolis,Delium,Potidaea စစ်မြေပြင်တွေဟာတွေဟာဆိုကရေးတီးအစွမ်းပြခဲ့တဲ့တိုက်ပွဲနေရာတွေပါဘဲ၊သူ့ရဲ့အတွေးအခေါ်ရဲစွမ်းသတ္တိတွေကြောင့်အသက်၆၅ နှစ်မှာအေသင်လွှတ်တော်မှာလွှတ်တော်အဖွဲ့ဝင် ဖြစ်လာခဲ့ပါတယ်၊အခုအမတ်ကြီးတွေလိုပေါ့ဗျာ၊ လွှတ်တော်အမတ်ဖြစ်လာတော့လည်းသူ့ရဲ့အမှန်တရားပေါ်မှာအခြေခံတွေးခေါ်စဉ်းစားမှု ကိုအထိအခိုက်မခံခဲ့ပါဘူး၊ရေတပ်ဗိုလ်ချုပ်တယောက်တိုက်ပွဲမှာ လက်အောက်ငယ်သားတွေကိုမထိမ်းသိမ်းနိုင်ဘူး၊တိုက်ပွဲရှုံးတယ်ဆိုတဲ့စွဲချက်နဲ့အေသင်လွှတ်တော် ကတရားစွဲအပြစ်ဒဏ်ချပါတယ်၊ဒါကိုဆိုကရေးတီးကလက်မခံပါဘူး၊သည်လိုတဖက်သတ်အပြစ်ပေးတာဖွဲ့စည်းပုံဥပဒေနဲ့မညီသလို ၊တရားမျှတမှုလည်းမရှိကြောင်းအပြင်းအထန်ကန့်ကွက်ခဲ့ပါတယ်၊အင်အားလည်းမှယှဉ်နိုင်၊ထောက်ပံ့မှုလည်ဲးပြည့်ပြည့်စုံစုံမပေးဘဲနိုင်ငံကိုကာကွယ်ခိုင်းတဲ့သူတွေကိုသာ အရေးယူသင့်တယ်၊သည်ဗိုလ်ချုပ်နေရာမှာနတ်ဒေ၀တာတွေဝင်တိုက်တောင်ရှုံးမှာဘဲဖြစ်တယ်လို့ လွှတ်တော်ကိုဝေဖန်ပြစ်တင်ခဲ့ပါတယ်၊ သည်လိုနဲ့ဘဲအမှန်တရားကိုခြေကန်ငြင်းတဲ့ ဆိုကရေးတီးမှာ အေသင်ဒီမိုကရေစီလွှတ်တော်ကြီးမှာ အများနဲ့တယောက်ဆိုသလိုရန်သူတွေများပြီး မလိုမုန်းထားသူတွေပေါများလာပါတော့တယ်၊
BC399မှာတော့အေသင်မြို့ပြနိုင်ငံရေးက စပါတာတွေကျူးကျော်မှုနဲ့အတူမတည်မငြိမ်ဖြစ်လာပါတယ်၊ဆိုကရေးတီက အသက်(၇၀)အရွယ်ရောက်ပါပြီ၊အဲသည်အချိန်မှာ ဆိုကရေးတီးကိုအမြင်ကပ်နေတဲ့လူ(၃)ယောက်ကဦးဆောင်ပြီး တရားစွဲပါတော့တယ်၊စွဲချက်ကတော့(၂)ချက်ထဲပါ
၁။ နိုင်ငံကအသိအမှတ်ပြုထားသည့်နတ်ဒေ၀တာများကို ယုံကြည်ကိုးကွယ်မှုမပြုခြင်း
၂။လူငယ်များဧ။်အကျင့်စာရိတ္တကိုဖျက်ဆီးပြစ်ခြင်း စတဲ့နှစ်ချက်ထဲဆိုပေမဲ့ အေသင်ဥပဒေအရသေဒဏ်ထိုက်တဲ့ စွဲချက်တွေံဖြစ်ပါတယ်။
ဆိုကရေးတီးကိုခုံသမာဓိလူကြီး ၅၀၀ပါဝင်တဲ့ ဒီမိုကရေစီတရားစီရင်ရေးအဖွဲ့က စစ်ဆေးပါတယ်၊စွဲချက်တင်တဲ့သူ(၃)ယောက်ဖြစ်တဲ့
၁။ဒီမိုကရေစီသမား -အေနီတပ်စ်
၂။ကဗျာဆရာ -မေလေတပ်
၃။ ကျမ်းပြုစာဆို-လိုင်ကွန်း နဲ့ အဖွဲ့ကဆိုကရေးတီးကိုသေဒဏ်ပေးဖို့တောင်းဆိုကြပါတယ်။အဲသည်စွဲချက်ကိုခုံသမာဓိအဖွဲ့ ကဒီမိုကရေစီနည်းကျကျ မဲခွဲဆုံးဖြတ်ပါတယ်၊ ဆိုကရေးတီး ကိုထောက်ခံတဲ့သူတွေမရှိဘူးလားဆိုတော့ရှိပါတယ်၊ဒါပေမဲ့ တဖက်(၃)ယောက်အုပ်စုကအင်အားများတော့ သေဒဏ်ကိုထောက်ခံမဲ၂၈၀ရပါတယ်၊ဆိုကရေးတီးတယောက်ထဲဖက်က ထောက်ခံမဲ၂၂၀သာရခဲ့ပါတယ်၊ မဲ(၆၀) လျှော့ပြီးဆိုကရေးတီး ရှုံးပါတယ်၊အဲသည်မှာခုံသမာဓိအဖွဲ့က ဆိုကရေးတီးကို အပြစ်ရှိကြောင်းဝန်ခံရင်၊ခုံသမာဓိလူကြီးတွေကိုတောင်းပန်ရင် သေဒဏ်ကလွတ်ငြိမ်းခွင့်ပေးမယ်လို့ပြောပါတယ်၊ဒါပေမဲ့ဆိုကရေးတီးကမတောင်းပန်နိုင်ကြောင်းအပြစ်လည်းမရှိကြောင်းငြင်းဆိုပါတယ်၊ဒါအပြင်သူ့မှာအပြစ်မရှိတဲ့အတွက်အပြစ်လည်းမပေးသင့်ကြောင်း၊ပေးခြင်းပေးရင်လူငယ်တွေကိုဆိုဆုံးမပေးခဲ့တဲ့အတွက် အေသင်မြို့ပြကောင်းကျိုးကိုဆောင်ရွက်ခဲ့တဲ့အတွက် ပင်စင်လစာငွေသာသူ့ကိုပေးသင့်ကြောင်းတုန့်ပြန်ပါတယ်၊နောက်ပြီး တကယ်လို့ခုံသမာဓိတွေက ဒဏ်ငွေနဲ့ကျေနပ်မယ်ဆိုတာတောင် ဒဏ်ငွေ တပြားထက်ပိုဆောင်မှာမဟုတ်ဘူးလို့ရယ်သွမ်းသွေးခဲ့ပါတယ်၊
အဲသည်မှာခုံသမာဓိလူကြီးတွေက အရမ်းစိတ်ဆိုးသွားပြီး အဆိပ်သောက်သေစေဆိုတဲ့အမိန့်ကိုပေးလိုက်ပါတော့တယ်--။
ဆိုကရေးတီးကိုသေဒဏ်မပေးခင် သူ့တပည့်၊မိတ်ဆွေအပေါင်းအသင်းတွေကထွက်ပြေးဖို့တိုက်တွန်းစီစဉ်ကြပါတယ်၊ဆိုကရေးတီးကလက်မခံပါဘူး၊သူမှားသည်မှန်သည်ဖြစ်စေ နိုင်ငံတော်ကချမှတ်ထားသောဥပဒေကိုလိုက်နာရမယ်၊ဒီမိုကရေစီ စံနစ်ရဲ့အနှစ်သာရကိုထိမ်းသိမ်းရမယ၊်သေဒဏ်ကိုသာသူခံယူမယ်လို့ပြောခဲ့ပါတယ်၊အဲသည့်နေရာမှာ ဆိုကရေးတီးပြောခဲ့တာတွေအရမ်းလှပါတယ်၊ဆရာဇော်ဂျီ ရေးတဲ့ပလေတိုနိဒါန်း စာအုပ်က နိုင်ငံသားကောင်းအယူအဆဆိုတဲ့အခန်းမှာ ဖတ်ရပါတယ်၊ သည်နေရာမှာတော့အကျဉ်းချုပ်တင်ပြရရင် ဆိုကရေးတီးက ငါဟာ အခုအသက်(ရ၀)အထိ အေသင်မြို့မှာနေခဲ့တယ်၊ကတိပေးသည်ဖြစ်စေ မပေးသည်ဖြစ်စေ အေသင်နိုင်ငံသားတယောက်အနေနဲ့ခံယူပြီး အေသင်ဥပဒေအတိုင်းနေထိုင်ခဲ့တယ်၊အဲသည်လိုနေထိုင်နေတဲ့အချိန်အတွင်းမှာဘဲ အေသင်ကချမှတ်ထားတဲ့တရားဥပဒေ တွေကိုမတရားဘူးထင်ခဲ့မြင်ခဲ့ရင်အေသင်ကနေထွက်သွားလို့ရတယ်၊
စပါတာကိုသွားနိုင်တယ်၊ဂရိနိုင်ငံကိုသွားနိုင်တယ်၊ဒါပေမဲ့ငါမသွားခဲ့ဘူး၊အေသင်ရဲ့တရားဥပဒေအောက်မှာငါနေထိုင်ခဲ့တယ်၊တရားဥပဒေအောက်မှာငါလုံခြုံခဲ့တယ်၊အခုမှ သည်တရားဥပဒေကအပြစ်ပေးမှထွက်ပြေးတယ်ဆိုတာအတော်သူရဲဘောကြောင်တဲ့အလုပ်ဘဲ၊ဥပဒေဆိုတာလူတွေရေးဆွဲထားတာ၊လူကအမှားမကင်းဘူး၊ဒါကြောင့်ဥပဒေတွေမှာလည်းအမှားမကင်းဘူး၊အကောင်းဆုံးဥပဒေဆိုတာတောင်တခါတလေတရားမမျှတတဲ့ဆုံးဖြတ်ချက်မျိုးတွေထွက်တတ်တာသဘာဝဘဲ၊ဒီမိုကရေစီနည်းကျကျနေထိုင်စီမံကြရတဲ့လူ့ဘောင်မှာ အများသတ်မှတ်ထားတဲ့ စံတရပ်ရှိတယ် အဲဒါ ဥပဒေကိုဘယ်သူမှကျော်လွန်လုပ်ခွင့်မရှိဆိုတာဘဲ၊တကယ်သာဒီမိုကရေစီနိုင်ငံသားဖြစ်ရင် ဒီမိုကရေစီနိုင်ငံတော်ကချမှတ်ထားတဲ့ဥပဒေတွေကိုလိုက်နာရမှာဘဲ၊မှားတာမှန်တာတွေကတော့ သူ့အတိုင်းရှိနေမှာဘဲလို့ဆိုခဲ့ပါတယ်၊
ဆိုကရေးတီးက နိုင်ငံတော်ကထွက်ပြေးတာဟာ နိုင်ငံတော်ကိုနစ်နာအောင်လုပ်တာဘဲလို့ဆိုပါတယ်၊အေသင်နိုင်ငံတော်မှာတရားဥပဒေဆိုတာလည်းရှိတယ်
အစိုးရဆိုတာလည်းရှိတယ်၊တရားဥပဒေနဲ့ အစိုးရချမှတ်ထားတဲ့ပြစ်ဒဏ်ကိုပျက်ပြယ်အောင်ပြည်သူတဦးတယောက်ကလုပ်သင့်ပါသလား၊လုပ်တာဟာနိုင်ငံတော်ကလက်နဲ့ရေးတာခြေနဲ့ဖျက်တာနဲ့မတူဘူးလား၊အဲသည်လိုနိုင်ငံသားတွေများတဲ့တိုင်းပြည်ကရောရေရှည်တည်တန့်မှာတဲ့လား ၊ဒါကြောင့်ငါ ထွက်ပြေးမဲ့အစားအဆိပ်ခွက်သာရွေးမယ်လို့ဆိုခဲ့ပါတယ်၊
ဆိုကရေးတီးကနိုင်ငံတော်နဲ့ပြည်သူဆိုတာသည်နိုင်ငံမှာမွေးလာကထဲက စာချုပ်ချုပ်ထားကြသလိုဘဲလို့ဆိုပါတယ်၊အဲဒါကိုသူက ဆိုရှယ် ကန်ထရိုက်(social contract)လို့အမည်ပေးပါတယ်၊အဲဒါကိုသူက သူပုံစံအမေးအဖြေလေးတွေနဲ့ဘဲအဖြေထုတ်ပြသွားပါတယ်၊နိုင်ငံတော်နဲ့နိုင်ငံသားအငြင်းပွားခဲ့ရင်
၁။ သင်သည်တရားဥပဒေက ချမှတ်သောပြစ်ဒဏ်စီရင်ချက်မှန်သမျှ ကိုလိုက်နာပါမည်ဟုကတိပြုထားပါသလော
၂။ တရားဥပဒေကိုမလိုက်နာနိုင်ဆိုသော် မည်သည့်အချက်ကိုမလိုက်နာနိုင်ဟု ဖွင့်ဟပြောဆိုနိုင်ပါသလော
၃။လူဖြစ်လာခြင်းကြောင့်လူတို့သတ်မှတ်သောတရားဥပဒေတွေကိုလိုက်နာနေရတာဆိုတော့လူဖြစ်အောင်မွေးပေးခဲ့တဲ့မိဘနှစ်ပါးကိုရောအပြစ်တင်သင့်ပါသလော
၎။နိုင်ငံတော်က နိုင်ငံသားများအဖြစ်လက်ခံပြီး အိမ်ထောင်သားမွေးပြုခွင့်၊ကျွေးမွေးစောင့်ရှောက်ခွင့်၊ပညာသင်ကြားတတ်မြောက်နိုင်ခွင့်တွေပေးထားတဲ့အတွက်ကျေးဇူးပြုရာရောက်တယ်၊ဒါပေမဲ့ဥပဒေတွေပြုပြီးအပြစ်ပေးတာကိုမကောင်းဘူးလို့ပြောသင့်ပါသလော
၅။နိုင်ငံတော်သည်မိမိတို့ဘိုးဘွားများလက်ထက်ကစပြီးနေထိုင်ခွင့်ပြုတာကိုလက်ခံ ၊နိုင်ငံသားအခွင့်အရေးတွေရယူပြီး အခုလိုအပြစ်ဖြစ်မှ နိုင်ငံသားမဟုတ်၊မတရားဟု ငြင်းဆန်သင့်ပါသလော
၆။မိဘဆရာသမားတွေကပုတ်ခတ်ဆဲရေးအနိုင်အထက်ပြုခြင်းတို့ကိုလက်တုန့်ပြန်ခွင့်ရှိသည်ဟုထင်ပါသလော
နိုင်ငံတော်ဆိုသည်မှာအမိအဘ ဆရာသမားထို့ထက်ပိုပြီးအလေးအမြတ်ထားရသည်မဟုတ်ပါလော
စတဲ့နိုင်ငံသားကောင်းအ.ယူအဆကိုထုတ်ဖော်ခဲ့ပါတယ်၊
ဆိုကရေးတီး ရဲ့ခံယူချက်ကတော့ရှင်းပါတယ်၊၊ဒီမိုကရေစီစံနစ်မှာအားထားတဲ့ အင်အားများခြင်း၊မဲနိုင်ခြင်းဆိုတာတွေဟာ အမှန်ကိုကိုယ်စားပြုခြင်မှပြုမယ်၊ဥပဒေဆိုတာလည်းကောင်းခြင်မှကောင်းမယ်၊ဥပဒေပြုသူများအနေဖြင့်လည်းအခြေအနေတခုကြောင့်ဖေါက်ပြန်ကောင်းဖေါက်ပြန်နိုင်တယ်၊အကယ်ရ်ျတရားသူကြီးများအရည်အခြင်းမပြည့်ဝမရိုးသားဟုဆိုလျှင်အရည်အခြင်းပြည့်သူ ရိုးသားသူများနှင့်အစားထိုးရန်သာဖြစ်တယ်၊်၊အရည်အခြင်းမပြည့်မရိုးသားသူများဆုံးဖြတ်ချက်ကို့်လိုက်နာရန်မလိုလို့ပြောမရဘူး၊လူတိုင်းအဲသည်လိုမြင်ရင်စောဒကတက်ခွင့်၊ဝေဖန်ပိုင်ခွင့်၊ပြောင်းလဲပိုင်ခွင့်တွေကိုဒီမိုကရေစီစနစ်မှာပါပြီးဖြစ်ပါတယ်၊ဒါကြောင့်မှန်တာမှားတာအသာထားဒီမိုကရေစီကျင့်စဉ်ကိုတော့နိုင်ငံသားတိုင်းလိုက်ကိုလိုက်နာရမယ်လို့ပြောခဲ့ပါတယ်၊
တကယ်တော့ဆိုကရေးတီး ဟာ သူယုံကြည်တဲ့ဒီမိုကရေစီစနစ်ကိုအသက်ပေးကာကွယ်သွားခဲ့သလို ဒီမိုကရေစီစနစ်ရဲ့မှန်ခြင်းမှားခြင်းတွေဟာလူအနည်းအများပေါ်မှာသာအခြေပြုနေတဲ့အားနည်းချက်ကိုလည်းထောက်ပြသွားခဲ့ခြင်းလည်းဖြစ်ပါတယ်၊နိုင်ငံသားကောင်းအယူအဆကိုထုတ်ဖော်ပြီးသူ့ကိုသေဒဏ်စီရင်ခဲ့တဲ့နိုင်ငံတော်ကိုတောင် အဆုံးစွန်ဆုံးချစ်ပြသွားတဲ့သူဖြစ်ပါတယ်၊
ကျနော်ကတော့ မဲဆွယ်၊မဲဝယ်၊မဲလု နေတဲ့သူတွေတွေ့တိုင်း ဆိုကရေးတီးလက်ထဲက အဆိပ်ခွက်ကိုသာလှမ်းလှမ်းမြင်နေမိပါတယ်၊
ဆိုကရေးတီးလိုလူတွေသာသမိုင်းမှာနံမည်ကျန်ခဲ့တာဖြစ်ပါတယ်၊ဒီမိုကရေစီကသတ်လိုက်တဲ့ ဒီမိုကရေစီချစ်သူ
ဆိုကရေးတီးကိုလွမ်းပါတယ်----------။

Khin Mg Thant