ကြီးပြင်းခြင်းဆိုတဲ့ အတောင်ပံ

ချောင်းငယ်လေးတစ်ခုက အတားအဆီး၊ အခက်အခဲအမျိုးမျိုးကို ဖြတ်ကျော်ပြီးမှ ပင်လယ်ထဲစီးဝင်နိုင်ခဲ့တယ်။

မျိုးစေ့လေးတစ်စေ့က အမှောင်ထုအထပ်ထပ်ကို ဖြတ်ကျော်ပြီးမှ အလင်းရဲ့ဆေးကြောခွင့်ကိုရခဲ့တယ်။

လူတစ်ယောက်ဟာလည်း အမြဲမပြတ်ကြိုးစားအားထုတ်မှ လှပကောင်းမွန်တဲ့ဘဝသံစဉ်ကို တီးခတ်နိုင်မှာဖြစ်ပါတယ်။


ဘဝရဲ့ခယောင်းလမ်းကို ဖြတ်ကျော်ခဲ့ရလည်း၊ အတားအဆီးအခက်အခဲတွေကို ရင်ဆိုင်ခဲ့ရလည်း ရာဘန္ဒြာနတ်(သ်)တဂိုးဟာ အညံ့မခံခဲ့ဘူး။ “လောကဟာ နာကျင်ခြင်းနဲ့ ငါ့ကိုနမ်းရှုံ့တယ်၊ ငါက သီချင်းနဲ့ပြန်ပြီးတုန့်ပြန်မယ်” … ဒါဟာ သန်စွမ်းသူတစ်ယောက်က ဘဝကိုစိန်ခေါ်ခဲ့တဲ့ စစ်ကြေညာချက်ဖြစ်တယ်။

ဘယ်သူလဲ…. သူ့သံစဉ်ကို အထပ်ထပ် ပြင်ဆင်ခဲ့တာ။

ဘယ်သူလဲ …. ဆင်းရဲဒုက္ခကြားကနေ မပြတ်ကြိုးစားအားထုတ်ခဲ့တာ။

သူပါ… Beethoven ပါ။ သူဟာ အကြားအာရုံချွတ်ယွင်းခဲ့ပေမယ့် မလျော့တဲ့ဇွဲလုံ့လနဲ့ ဂီတအပေါ်ချစ်မြတ်နိုးမှုကိုပေါင်းပြီး စန္ဒယားပေါ်မှာ သူ့တန်ဖိုးကိုပြခဲ့ပါတယ်။ သူ့ရဲ့ဇွဲ၊ သူ့ရဲ့သတ္တိက သူ့ဂီတကို အဓွန့်ရှည်တည်တံ့စေခဲ့ပါတယ်။

ဘယ်သူလဲ… အပြစ်နဲ့အရှက်ကိုမတရားခံရရင်း မပြတ်ကြိုးစားအားထုတ်ခဲ့တာ။

သူပါ… Sima Qian (ဟန်ခေတ် သမိုင်းပညာရှင်၊ စာပေပညာရှင်)ပါ။ သူဟာ အချုပ်အနှောင်နဲ့ အေးစက်မှောင်မိုက်တဲ့အချုပ်ခန်းမှာ ပိတ်လှောင်ခံခဲ့ရတယ်။ သူ့နှုတ်ခမ်းထောင့်မှာ စက်ဆုပ်ရွံ့ရှာတဲ့အပြုံးနဲ့ မျက်နှာပေါ်မှာ အမှန်တရားအတွက် ပြတ်သားမှုတွေထင်ဟပ်ခဲ့တယ်။ သူဟာ ကလောင်တစ်ချောင်းနဲ့ ဘဝစာပေတွေကိုရေးသားပြီး လူတွေကိုကိုင်လှုပ်ခဲ့တယ်။ ကမ္ဘာ့စာပေလောကမှာ တန်ဖိုးမဖြတ်နိုင်တဲ့ခြေရာတွေကို ထားရစ်ခဲ့ပါတယ်။

ဘယ်သူလဲ… လူတွေရဲ့နားလည်မှုမပေးတဲ့အကြည့်အောက်မှာ ကကြိုးတွေမြူးကြွခဲ့တာ။

ဘယ်သူလဲ… ကြိုးစားအားထုတ်မှုတွေကြောင့် လက်ခုပ်သြဘာသံတွေ ဟိန်းညံစေခဲ့တာ။

ဘယ်သူလဲ… အလင်းနဲ့အရိပ်တွေကြားမှာ ဘဝရဲ့ကောက်ကြောင်းကို လှလှပပပုံဖော်နိုင်ခဲ့တာ။

သူတို့ပါ… ဆွံအနားမကြားတဲ့ကချေသည်တွေပါ။ သူတို့ဟာ ဂီတရဲ့သာယာငြိမ့်ညောင်းသံကို မကြားရ၊ ဂီတထဲစီးမျောလိုက်ပါခွင့် မရနိုင်ခဲ့ကြပေမယ့် ကိုယ်၊ စိတ်နှလုံးနဲ့ဂီတကိုခံစားပြီး မသန်စွမ်းအိုလံပစ်ရဲ့စတိတ်စင်ပေါ်မှာ သူတို့ရဲ့ကြီးမြတ်သန်စွမ်းမှု၊ ကြံ့ခိုင်မှုကို ပြသခဲ့တယ်။ သူတို့ရဲ့တန်ဖိုးရှိတဲ့ဘဝအဓိပ္ပာယ်ကို
ဖော်ထုတ်ခဲ့ပါတယ်။

၁၉ရာစုခေတ် ပြင်သစ်စာရေးဆရာ Alexandre Dumas(အကြီး)က စာအုပ်တစ်အုပ်ထဲမှာ ဒီလိုသရုပ်ဖော်ရေးသားခဲ့ဖူးပါတယ်။

“နောက်ဆုံးမှာ ကျည်ဆံမိုးတွေကြားကနေ သူထရပ်နိုင်ခဲ့တယ်။
သွေးပေနေတဲ့ခန္ဓာကိုယ်ကို ပွတ်သပ်ရင်း သူခေါင်းမော့အော်ရယ်ခဲ့တယ်။ “နာကျင်မှုကို ပြည့်ပြည့်ဝဝခံစားခွင့်ပေးတဲ့အတွက် ဘုရားသခင်ကို
ကျေးဇူးတင်ပါတယ်။ နာကျင်မှုတွေကို ခံစားရတာကောင်းပါတယ်.. ဒါဟာ ကျွန်တော်အသက်ရှင်နေသေးတယ်..မသေသေးဘူး.. မျှော်လင့်ချက်ရှိသေးတယ်ဆိုတာကို ဖော်ပြနေပါတယ်””။

ကြီးပြင်းရာလမ်းတစ်လျှောက်က ဖြောင့်ဖြူးတယ်ဆိုတာမရှိနိုင်ပါဘူး။

ကြီးပြင်းရှင်သန်နေတဲ့ဘဝမှာ ဒဏ်ရာဒဏ်ချက်တွေက ရှိစမြဲပါ။

ရှေ့ကိုသတ္တိရှိရှိချီတက်ရင်း ကြိုးစားအားထုတ်မှုတွေစိုက်ထုတ်မှ အဲဒီဒဏ်ရာဒဏ်ချက်တွေကို ဖျောက်ပစ်နိုင်မှာဖြစ်ပါတယ်။

ဘဝရဲ့ဆင်းရဲဒုက္ခကို ရင်ဆိုင်မိချိန်မှာ ကျွန်တော်တို့နောက်ဆုတ်အညံ့ခံလို့ မရပါဘူး။ ခိုင်မြဲတဲ့လုံ့လ၊ အရှုံးမပေးတဲ့စိတ်ဓာတ်နဲ့ ရင်ဆိုင်မှသာ ဘဝဟာ လှပတဲ့ရောင်စုံတွေနဲ့ဖူးပွင့်လာနိုင်မှာဖြစ်ပါတယ်။

မူရင်းရေးသားသူ-- Liu Qin
မူရင်းလင့် -- http://www.85nian.net/qingchun/3554.html

နိုင်းနိုင်းစနေ