ဂျပန် ကျောင်းစာအုပ်ထဲက ဂုဏ်သိက္ခာမဲ့ လူသားတစ်ဦး

ကျွန်တော်တို့ ငယ်ငယ်တုန်းက ကျောင်းသုံးဖတ်စာအုပ်တွေမှာ
ပြဌာန်းခြင်းခံရတဲ့ အများဆုံး လူသားတွေကတော့ ရှေးခေတ်က စစ်သူရဲကောင်းတွေ၊ ပညာရှိတွေ၊ စွန့်စားရှာဖွေသူတွေ၊ နိုင်ငံရေးသုခမိန်တွေ၊ တိုင်းပြည် တည်ဆောက်သူတွေ အကြောင်းကိုသာ အလေးထား ပြဌာန်းထားတာကို တွေ့ခဲ့ရပါတယ်။

ဂျပန်နိုင်ငံရဲ့ ကျောင်းသုံးစာအုပ်ထဲမှာတော့ ဂျပန်နိုင်ငံနဲ့ ဂျပန် လူမျိုးတွေအတွက် ဂုဏ်သိက္ခာ ညှိုးနွမ်းစေတဲ့ လူတဦးအကြောင်း ပြဌာန်းခဲ့ပါတယ်။ သူကတော့ ဂျပန် ပို့ဆောင်ရေး ၀န်ကြီးဌာနက အရာရှိလေး ဟိုဆိုနို ဖြစ်ပါတယ်။


ဂျပန် အစိုးရဟာ ရုရှားနိုင်ငံက ရထားလမ်းတွေကို လေ့လာသင်ယူဖို့ ပို့ဆောင်ဆက်သွယ်ရေး ၀န်ကြီးဌာနက မာဆဘူမိ ဟိုဆိုနို ကို ( ၁၉၁၀) ခုနှစ်မှာ စေလွှတ်ခဲ့ပါတယ်။ ဟိုဆိုနိုဟာ သူရဲ့လေ့လာသင်ကြားမှုတွေ ပြီးဆုံးတဲ့ ၁၉၁၂ ခုနှစ်မှာ အင်္ဂလန်ကနေ တဆင့် အတ္တလန္တိတ် သမုဒ္ဒရာကို ဖြတ်ပြီး ပြန်လာဖို့ ဆုံးဖြတ်ခဲ့ပါတယ်။

ကမ္ဘာ့သင်္ဘောပျက်တဲ့ သမိုင်းမှာ အထင်ရှားဆုံး ဖြစ်တဲ့ တိုင်တင်းနစ် သင်္ဘောနဲ့ ပြန်လာခဲ့တာပါ။ ဟိုဆိုနိုဟာ တိုင်းတင်းနစ် သင်္ဘောရဲ့ ဒုတိယတန်းကနေ ခရီးသည်တဦးအနေနဲ့ လိုက်ပါလာခဲ့သူ ဖြစ်ပါတယ်။ အင်္ဂလန်ကနေ ထွက်ခွာလာပြီး ၄ ရက်အကြာ ဧပြီလ ၁၄ ရက် ညဘက် ၁၁ နာရီ ၄၀ မိနစ်အချိန်မှာ ရေခဲတောင်နဲ့ တိုက်မိခဲ့ပါတယ်။

ဟိုဆိုနိုဟာ သင်္ဘော ရေခဲတောင်နဲ့ တိုက်မိပြီး နာရီဝက် အကြာမှာ တံခါးခေါက်သံကြောင့် နိုးလာခဲ့ပါတယ်။ သင်္ဘောအရာရှိက သူ့ကို အသက်ကယ် အင်္ကျီဝတ်ထားဖို့ သတိပေး ပြောဆိုလာခဲ့ပါတယ်။

သင်္ဘောပေါ်ကို တက်ကြည့်တော့ လူတွေရဲ့ ယောက်ယက်ခတ် လှုပ်ရှားနေတာကို တွေ့ရပြီး အသက်ကယ် လှေတွေမှာလည်း ကလေးတွေနဲ့ အမျိုးသမီးတွေ ပြည့်နေပါတော့တယ်။ ဟိုဆိုနိုဟာ အသက်ကယ်လှေကို ချဉ်းကပ်ဖို့ ကြိုးစားတဲအခါ သင်္ဘောအရာရှိတွေရဲ့ မောင်းထုတ်ခြင်းကို ခံခဲ့ရပါတယ်။ တတိယတန်း အဆင့်က စီးလာတဲ့ ခရီးသည် အဖြစ်ထင်ယောင် ထင်မှား ဖြစ်စေလို့ပါ။ ဒါပေမယ့် ဟိုဆိုနိုဟာ အသက်ကယ်လှေပေါ်ကို ရောက်အောင် စွမ်းဆောင်နိုင်ခဲ့ပါတယ်။ အစဉ်အလာအရ သင်္ဘောတွေမှာ အမျိုးသမီးတွေ၊ ကလေးတွေနဲ့ ပထမ တန်းက စီတဲ့ ခရီးသည်တွေသာ အသက်ကယ်လှေကို ပထမ ဦးစားပေး စီးခွင့်ရတာပါ။

ဟိုဆိုနိုနဲ့ ပတ်သတ်တဲ့ အချက်အလက်တွေမှာ ဟိုဆိုနိုဟာ အမျိုးသမီးလို ဟန်ဆောင်ပြီး အသက်ကယ်လှေကို စီးခဲ့ရတာလို့ ဖေါ်ပြခဲ့ကြပါတယ်။

တိုင်တင်းနစ် နစ်မြုတ်မှုကနေ အသက်မသေဘဲ လွတ်မြောက်လာတဲ့ ဟိုဆိုနိုကို ပထမတော့ ဂျပန် သတင်းစာတွေက ချီးကျူး ထောပနာပြု ရေးသားခဲ့ကြပါတယ်။ ဒါပေမယ့် တိုင်တင်းနစ် သင်္ဘော ကနေ လွတ်မြောက်လာတဲ့ နောက်တဦးကတော့ ဟိုဆိုနို အကြောင်းကို သိနေခဲ့ပါတယ်။ ဟိုဆိုနိုဟာ အသက်ကယ် လှေပေါ်ကို တက်ရောက်ခွင့်ရရေးအတွက် အမျိုးသမီး တစ်ဦးလို ၀တ်စားဆင်ယင်ပြီး၊ အမျိုးသမီးလို အသံပြုက အော်ဟစ် အကူအညီ တောင်းခဲ့တယ်လို့ ပြောဆိုတာတွေ ရှိခဲ့ပါတယ်။

အသက်ကယ် လှေပေါ်ကို ရောက်အောင်မတက်ခဲ့ပေမယ့် အသက်မသေဘဲ လွတ်မြောက်လာတဲ့ လူတဦးကတော့ အမေရိကန် လူမျိုး Archibald Gracie IV ဖြစ်ပါတယ်။ သူရေးတဲ့ တိုင်းတင်းနစ် သဘောင်္ နစ်မြုတ်မှုအကြောင်း စာအုပ်ထုတ်ဝေတော့ ဂျပန်အမျိုးသား ဟိုဆိုနို အကြောင်းပါလာခဲ့ပါတယ်။ ဂျပန် လူ့အဖွဲ့အစည်းက ဟိုဆိုနိုဟာ သိက္ခာရှိရှိ လွတ်မြောက်လာတယ်လို့ ထင်ထားခဲ့ပေမယ့် Archibald Gracie IV ရဲ့စာအုပ် ထွက်လာတော့ ဂျပန် အစိုးရက သူ့ကို အလုပ်ကနေ ထုတ်ပယ်လိုက်ပါတယ်။

အမျိုးသမီးနဲ့ ကလေးတွေကို မညှာတာဘဲ ကိုယ်လွတ် ရုန်းထွက်လာတဲ့ ဟိုဆိုနိုကိုဂျပန် အစိုးရနဲ့ ဂျပန်
လူ့အဖွဲ့အစည်းက လက်ခံနိုင်ခြင်း မရှိတဲ့အပြင် ဂျပန်နိုင်ငံနဲ့ ဂျပန်လူမျိုးကို အရှက်ရစေတဲ့ လုပ်ရပ် အဖြစ် သတ်မှတ်ပြီး မိမိကိုယ်ကို သတ်သေဖို့ သတင်းစာကနေ တောင်းဆိုတာတွေ ရှိခဲ့ပါတယ်။

ဗမာစကားပုံနဲ့ ပြောရမယ်ဆိုရင် အသက်ထက် အရှက်က အရေးကြီးတယ်ဆိုတာ ဂျပန် လူ့အဖွဲ့အစည်းတွက် အချိန်ကာလတွေ ဘယ်လောက်ဘဲရွေ့ရွေ့ မှန်ကန်နေဆဲ မှန်နေဆဲ ဖြစ်ပါတယ်။ ဂျပန် အစဉ်အလာကို မလိုက်နာတဲ့ သူတွေဟာ နိုင်ငံကို ဂုဏ်သိက္ခာ ညှိုးနွမ်းစေတယ်ဆိုတဲ့ အယူအဆက ဒီနေ့ထိ ယူဆနေဆဲ ဖြစ်ပါတယ်။ နိုင်ငံဆိုတာ လူတစ်ဦးချင်း၊ မိသားစုတစ်စုချင်း၊ ရပ်ရွာတစ်ခုချင်း၊ မြို့နယ်တစ်ခုချင်း၊ ပြည်နယ်တစ်ခုချင်း၊ လူမျိုးစုတစ်စုချင်းစီ စုပေါင်းပြီး တည်ဆောက်ထားတော့ လူတဦးရဲ့ အပြုအမူဟာ နိုင်ငံအတွက် ဂုဏ်သိက္ခာကျဆင်း ဆိုတာ ဖြစ်ကောင်းတဲ့ အရာပါ။

ကျွန်တော်တို့ လူ့အဖွဲ့အစည်းဘက်ကို ပြန်ကြည့်လိုက်ရအောင်။ ကျွန်တော်တို့ လူ့အဖွဲ့အစည်းကို ဂျပန်နဲ့ မနှိုင်းပါနှင့်ဗျာလို့ ပြောကောင်း ပြောနိုင်ပါတယ်။ ကျွန်တော်တို့ ဒီမိုကရေစီခေတ်ကို စလှမ်းနေတဲ့အချိန်မှာ လူတစ်ဦးချင်းအပြုအမူတွေ၊ လူမျိုးစုတစုချင်းရဲ့ အပြုအမူတွေဟာ အင်မတန်မှ အရေးပါပါတယ်။

ဂျပန်အစိုးရကတော့ လူတဦးချင်းရဲ့ အပြုအမူ အမှားကို နောင်လာနောက်သား
တိုင်းပြည်ရဲ့ ဖန်တီးရှင်တွေ အတူယူ မမှားရလေအောင် ကျောင်းစာ သင်ရိုးညွန်းတမ်းမှာ ပြဌာန်းထားခဲ့ တာကိုက ကျွန်တော်တို့ နိုင်ငံအတွက် အလေးထားစရာပါ။

နောင်မျိုးဆက်တွေ လူ့အဖွဲ့အစည်းက လက်မခံနိုင်တဲ့ အပြုအမူတွေ မလုပ်မိအောင် နိုင်ငံအတွက် ဂုဏ်သိက္ခာ ညှိုးနွမ်းစေခဲ့တဲ့ Hosono လိုလူတွေရဲ့လုပ်ရပ်ကို ကျောင်းစာတွေမှာ သင်ကြားပေးတာမျိုးကို မြန်မာနိုင်ငံမှာလည်း ပြဌာန်း ပေးသင့်တယ်လို့ ယူဆမိပါတယ်။

တလောက မြန်မာနိုင်ငံက အတင်းတစ်ပုဒ် ဖတ်လိုက်ရတယ်။ နိုင်ငံခြားရေး ၀န်ကြီးဌာန တတိယ အတွင်းဝန် ရာထူးတွေ ဖြေတော့ ၀န်ကြီးအဆင့် ၊ ညွန်ကြားရေးမှူးချုပ်၊ ဗိုလ်မှူးကြီး၊ ဗိုလ်မှူးချုပ်၊ ဗိုလ်ချုပ်တွေရဲ့ သားသမီးတွေ တန်းစီအောင်တာကို တွေ့လိုက်ရတော့ ကျွန်တော်တို့ရဲ့ နိုင်ငံ့ခေါင်းဆောင်တွေမှာ ကိုယ်ကျင့်တရားဆိုတာ မရှိတော့ဘူး ဆိုတာကို နားလည် လိုက်တယ်။ ဒါကြောင့် ကျွန်တော်တို့ရဲ့ ပညာရေး သင်ရိုးညွန်းတမ်း ရေးဆွဲတဲ့အခါ လူသားတွေရဲ့ စံပြပုဂ္ဂိုလ်တွေအပါ အ၀င် နိုင်ငံကို ဖျက်ဆီးခဲ့တဲ့၊ နိုင်ငံ့ဂုဏ်ကို ညိုးနွမ်းစေခဲ့တဲ့ လူသားတွေကို ပါ ပြဌာန်း ပေးသင့်တယ်လို့ မြင်မိတယ်။

လူငယ်တွေအနေနဲ့ ၊ The Calm ( တည်ငြိမ်မှု) ၊ The Dignity ( ဂုဏ်သိက္ခာရှိမှု)၊ The ability (စွမ်းရည် ပြည့်ဝမှု)၊ The Grace ( တင့်တယ်မှု) ၊ The Order (အစီအစဉ်တကျ ရှိမှု)၊ The Sacrifices ( စွန်ကလွှတ် အနစ်နာခံမှု) ၊ The Kindness (သနားကြင်နာတတ်မှု) ၊ The Conscience
( ကိုယ်ကျင့်တရား ကောင်းမှု)၊ စတာတွေဟာ ဂုဏ်သိက္ခာရှိတဲ့ လူသားတဦး ဖြစ်လာရေး အင်မတန်မှ အရေးပါကြောင်းတွေးမိပါတယ်။

creditး Mauhka Education Magazine